السوالم كيواصل عروضو القوية وزاد تطوان لضحاياه فالبطولة

حقق فريق شباب السوالم رباح جديد وهاد المرة على المغرب التطواني اليوم الأحد، ضمن الجولة 12 من منافسات البطولة الاحترافية لكرة القدم.
وكان المغرب التطواني السباق للتسجيل فالماتش بهدف مبكر فالدقيقة 2 عن طريق حذيفة المحاساني، ورجعو السوالم فالنتجية بهدف التعادل فالدقيقة 22 بواسطة جبريل سيلا فالدقيقة 45، وفالشوط الثاني غادي يخرج التطواني عادل الحسناوي بالبطاقة الحمراء فالدقيقة 50، وهادشي غادي يستغلوه السوالم حيث التطوانيين بقاو لاعبين ناقصين، وقدر خالد ايت ورخان يضرب هدف الرباح والثاني للسوالم فالماتش اللي سالا بنتيجة 2 لواحد.
وبهاد الرباح رفع شباب السوالم الرصيد ديالو إلى 16 نقطة وطلعو المركز السادس، أما المغرب التطواني فبدات كتعقد عندو الأمور بهاد النتيجة السلبية الجديدة وهي الثانية على التوالي بعد الخسران مع الوداد الأسبوع الماضي، والفريق عندو 12 نقطة وكيحتل المركز 13.