التطوانيين حرمو براكان من أول رباح فالبطولة

حرم المغرب التطواني المضيق ديالو نهضة بركان من تحقيق أول رباح فالبطولة هاذ الموسم وفرض عليه التعادل بتيرانو فمدينة بركان فمؤجل الجولة 5 من منافسات البطولة الاحترافية لكرة القدم.
ودخل نهضة بركان الماتش بقوة وقدر يماركي 2 بيوت، بواسطة جبريل واتارا فالدقيقة 4، والشرقي البحري فالدقيقة 13، اما المغرب التطواني فنجح فتقليص الفارق بواسطة محمد كمال فالدقيقة 39، وهاكذا خرجو البركانيين رابحين فالجولة الأولى، لكن فالشوط الثاني قدر يرجع المغرب التطواني فالماتش، وتمكن من تسجيل التعادل بواسطة عربيدي فالدقيقة 50، وظلت النتيجة كيفما هي حتى سالا الماتش.
وكيواصل نهضة بركان من بعد هاذ التعادل الفشل فتحقيق أول رباح بطولة هاذ الموسم، حيث خسر 3 الماتشات وتعادل 2 مباريات وكيتوفر فقط على 2 نقاط وكاين فأسفل الترتيب، أمام المغرب التطواني فعندو 8 نقاط وكيحتل المركز 9.