ها التخربيق ديال توزيع التيكي فابور فين يوصل. اعتصام المغاربة فمطار حمد رون قطر: شي قبل يخرج وشي رفض

فضيحة كبيرة واقعة فمطار حمد الدولي. البارح باش وصلو رحلات من كازا لمغاربة يشوفو ماتش نص النهاية اليوم بين المغرب وفرانسا، جاو بلا تيكي. بلى بيي الماتش. دخلو ما بغاوش يخرجو حتى ياخدو التذكرة.
https://fb.watch/hpi88ObOEW/?mibextid=cr9u03
حسب مصادر "كود" كان كثر من الف واحد داخل المطار. جا عندهم السفير المغربي فالدوحة اللي مقابل غير عائلتو وعائلة بوريطة وصحابو، وكان معاه محمد بورديقة عضو المكتب الجامعي اللي داير فضايح بسباب التذاكر. بغاو يبردوهم.
حسب مصدر "كود" فكانت تذاكر توزعات ولكن عددها قليل بزاف. السفير قال ليهم يمكن يتفرجو فالفان زون. بزافت رفضو
لمغاربة اللي كانو ففان زون سمعو هاد الشي. كلهم بغاو يطلعو المطار. ترونات بزاف.
السلطات القطرية ديك الساعة وقفات كلشي وقررات تمنع شي طيارة جاية من المغرب. رجعو وحدة جات عن طريق السعودية. القطريون لغاو كذلك 8 رحلات كانت ضمن 30 رحلة اللي علناتها لارام.
دابا مازال شي مغاربة معتاصمين فالمطار.
الفيلم عوج من اللول. علاش يطلع شي حد للطيارة بلى بيي التيران. علاش اصلا توزع التذاكر فابور
صورة المغربي تشوهات فالمطار. لعابة هزو الصورة عالي وقرارات عاطفية ديال نعطي التيكي فابور خسرات هاد الصورة
رباح مع فرانسا قادر ينسي هاد لفضايح