شكون هاد بناني اللي كيدور ويقول باللي فطر عندي سيدنا فرمضان وتغدى عندي فالمطعم واللي خاف منو مدير لارام وعطاه مع خوه هاد الهدية لكبيرة

واحد خينا يالله بداو الناس كيعرفوه. اسمو بناني احمد مع خوه. عندهم “اوطيل ايفرناج” فمراكش ومطاعم انتاشرات بسرعة كبيرة واخا هما جدادا بزاف بهاد الشي ديال المالكة وتموين الحفلات. هاد المطاعم ديالهم بسرعة قياسية دخلات للمطارات: محمد الخامس والمنارة ودارت فالشمال وفكازا =جوج واحد فالكولف ديال بوسكورة والثاني فبلاصة “ماي طاي= بعد ما كانت البدية فمراكش.
مول هاد الشي دافع كبير وداير وكيقول باللي الملك محمد السادس فطر عندهم فالدار فرمضان وباللي جا للمطعم عندهم هاد الصيف. واخا يا سيدي جا عندك الملك وفطر وتغدى وعلاش كيقولها باش تخلع بنادم باش يوليو يخافو منك وتزيد توسع البيزنس ديالك وتوسع “مجموعة ايفرناج كوليكسيون” ديالك.
القضية كانت ما تذكرش كاع لو ان هاد السيد غادي ويتقوى وكبار المدراء العامون فالمغرب كيخافو منو. “كود” كانت نشرات “خبار عليه هو خوه اللي عطاهم الرئيس المدير العام ل”الخطوط الملكية المغربية” عدو حميد جوجت التذاكر بيزنس من كازا لموسكو باش يحضرو لماتش فالمونديال. كلشي كان فابور. تذاكر واوطيل ودخلة للتيران. علاش دارها هاد المدير؟ حقاش بغى يدير مزيان مع الفوق وعارف شكون هادو واش كيقولو.