مدرب فرنسا: الجمهور المغربي واعر وحنا عارفين شنو كيتسنانا غدا ضد المغرب فالتيران

عبر مدرب منتخب فرنسا ديديي ديشان على الإعجاب ديالو بالجمهور المغربي والمساندة ديالو للمنتخب الوطني المغربي وهادشي قبل من ماتش المغرب وفرنسا فنصف نهائي كأس العالم قطر 2022، وأكد أن للاجواء غدا الاربعاء فتيران البيت غادي تكون حماسية وراه وجد هو الطاقم ديالو اللاعبين الفرنسيين لهادشي.
وتحدث ديديي ديشو على الجمهور المغربي خلال الندوة الصحافي اللي كتسبق ماتش المغرب وفرنسا والقوة ديالو وقال: "المغرب عندو قاعدة كبيرة ديال الجمهور وهادشي مهم بزاف وممكن تكون الأجواء حماسية فالماتش، وأنا والطاقم ديالي شفنا هادشي وتكلمنا مع اللعابا الفرنسيين عليه حيث راه التشجيع داخل فسياق المباراة، وقلنا لهم أن هادشي ما شي هو اللي غادي يماركي عليكم الاهداف ولكن خاصنا نديروه فبالنا".
وكمل مدرب فرنسا وقال: "اللعابا المغاربة محظوظين بهاد الدعم والمساندة ديال جمهورهم، وغدا غادي تكون الأجواء صاخبة وحماسية فللتيران وفيها الشعارات وقلت للعابا ملي تكونو توجدو لشي ماتش ختصكم توجدو حتى للاجواء ديالو".