كبيتان المنتخب غانم سايس تعزل فأحسن تشكيلة ديال الجولة 2 فكأس العالم

كتعرف التشكيلة المثالية ديال الجولة 2 من كأس العالم قطر 2022، وهي الجولة اللي سالات البارح وكان لعب فيها المغرب ضد بلجيكا، حضور مغربي.
واختار الاتحاد الدولي لكرة القدم الكابيتان ديال المنتخب الوطني المغربي غانم سايس من أحسن لعاب فالجولة الثانية من مونديال 2022، وكيقود دفاع التشكيلة اللي فيها أحسن 11 لعاب فهاد الجولة.
وكان غانم سايس قدم ماتش كبير ضد منتخب بلجيكا، وساهم فالرباح ديال ليكيب ناسيونال دفاعيا وهجوميا، وحتى الهدف الأول اللي ماركا المنتخب على البلجكيين ساهم فيه، حيت موه الحارس كورتوا لدرجة أن الفيفا حسبت البيت فسميتو ماشي للعبد الحميد الصبيري.