هيفتي: خاصنا نحضيو مع أشرف حكيمي بسبب الإصابة وها شنو غادي نديرو له

نبه عبد الرزاق هيفتي للحالة الصحية ديال أشرف حكيمي لعاب المنتخب الوطني المغربي اللي توعت اليوم الأحد، فماتش بلجيكا ضمن الجولة الثانية من كأس العالم قطر 2022.
عبد الرزاق هيفتي تكلم على أشرف حكيمي اللي ما قدرش يكمل الماتش ضد بلجيكا وخرج فالشوط الثاني وقال: "أشرف حكيمي خاصنا نحضيو معاه فهاد اليومين اللي جايين، وغادي نديرو له حصص تدريبية خفيفة ديال ريكيبيراسيون".
وكان أشرف حكيمي توعت فماتش كرواتيا الأربعاء اللي فات، قدر عبد الرزاق هيفتي والطاقم الطبيب يوجدوه للماتش ضد بلجيكا اليوم الأحد، ولكن خرج موعت منو، وغادي يخدمو معه باش يحاولو يجهزوه ضد كندا الماتش الجاي الخميس المقبل.