مودريتش: الماتش ضد المغرب صعيب راه عندهم لعابا كبار

أكد النجم الكرواتي لوكا مودريتش بلي الماتش ديال منتخب كرواتيا ضد المغرب غدا فأول جولة من كأس العالم قطر 2022، ماغاديش يكون ساهل، حيث المغاربة عندهم اللعابا كبار.
ومودريتش الكابيتان ديال كرواتيا قال فالندوة الصحافية اللي كتسبق ماتش منتخب بلادو ضد المغرب: "المنتخب المغربي عندو لعابا كبار فحال نصير المزراوي فبايرن ميونخ، وأشرف حكيمي فباريس سان جيرمان".
وزاد مودريتش كمل وقال: "حنا كنحتارمو المغاربة ومنتخبهم قوي وكنتسناو ماتش صعيب ضدهم، ولكن غادي نكونو فأحسن نيفو ديالنا".