مبارك ومسعود.. الفنان مراد فدواش دا لقب دريم آرتيست في الموسم ديالو الأول

البارح الاثنين كان البرايم النهائي من برنامج دريم آرتيست في موسو الأول، واللقب كان من نصيب مراد فدواش لي بين طيلة هاد الأسابيع على الحس الفني والابداعي ديالو، ويستحق ياخد اللقب، ومعاهم 35 مليون سنتيم باش يوقف على رجليه.
وختارت لجنة التحكيم تعطي "خفقة قلب" للمتسابقة الهام لي بقات هي ومراد حتال المراحل الأخيرة، وتوجوها بلقب الموسم على خدمتها المتميزة.
الحلقة النهائية كانت تحت تيمة واد القنار، وطلبات لجنة التحكيم من الفيناليست يقدمو أعمال كتعكس ااطبيعة وعلاقة الانسان بها.
وزار الفنانين المشاركين متحف محمد السادس للفن الحديث و المعاصر، وتعرفو على إبداعات الفنانين المغاربة عبر التاريخ.
الحلقة النهائية عرفات حضور عائلات الفنانين النهائيين الأربعة، وترأس لجنة التحكيم، رئيس المؤسسة الوطنية للمتاحف المهدي قطبي.
https://www.instagram.com/reel/ClPTX1Ng4QA/?igshid=YmMyMTA2M2Y=
https://www.instagram.com/reel/ClPTuu3g1sU/?igshid=YmMyMTA2M2Y=