برنامج دريم آرتيست.. عمل فني على البوعارة خدا الحصانة وكوزينة متنقلة خلات بشرى تغادر المسابقة

خدا الفنان مراد الحصانة في البرايم الرابع من برنامج دريم آرتيست لي كيدوز كل يوم اثنين في دوزيم، ولي كان اليوم مخصص إعادة التدوير وكيفاش نعاودو نفكرو في الطاقات المتجددة.
الفنان مراد قدم خدمة نقية وصاوب عمل فني مبدع دوا فيه بلسان البوعارة لي عايشين من الزبل ومن غير التحفة الفنية في قدم عزز الخدمة ديالو بكلمات من الكتابة ديالو دار ليها الالقاء بطريقة زوينة أثرات في لجنة التحكيم، دوا على الواقع المغربي، الخدمة كانت اوريجينال، والنص ديالو عاونو.
الفنانين الثلاثة لي وصلو المرحلة الخطر هوما: بشرى وسيمو ومحمود، وغادرات بشرى المسابقة لأن العمل ديالها على حسب لجنة التحكيم مكانش داخل في خانة الابداع، وكان بسيط ومفهوم وعادي وهادشي ماشي هو المطلوب.
البرايم الخامس غادي يكون مخصص للفضاء العمومي، وشدد الصفريوي عراب البرنامج ان المشاركين خاصهم يديرو واحد التوازن ما بين الابداع والتطبيق.
بنهاية البرايم الرابع بقاو 4 المشاركين لي غادين يتنافسو على اللقب باش يربحو 35 مليون سنتيم لي تقظر تعاونهم باش يديرو معرض ويبداو مسارهم الاحترافي.
https://www.instagram.com/p/CkHKFtgo8Lu/?igshid=YmMyMTA2M2Y=
https://www.instagram.com/p/CkHLXlDIwII/?igshid=YmMyMTA2M2Y=