بيلي إيليش: اللي صوت فالانتخابات الجاية غتكون عندو شونس كبيرة يسافر معايا – تدوينات

تعاونات المغنية المريكانية بيلي إيليش مع منظمة "HeadCount"، وهي هيئة غير ربحية كتشجع على تسجيل الناخبين ودعم المشاركة الديمقراطية فميريكان، (تعاونات معاهم) باش تشجع الشباب على التصويت فالانتخابات.
بيلي واعدات الجمهور ديالها بأن اللي صوت غتكون عندو الفرصة يحضر فحفلاتها ويسافر معاها فرحلاتها الموسيقية واللي غتبداها فجولة فأستراليا ونيوزيلندا، وهادشي كلو باش تشجعهم على المشاركة فالانتخابات اللي ولات نسب مقاطعتها كتزاد خصوصا عند الشباب اللي مابقاوش غالبيتهم كيتسوقو ليها.
https://www.instagram.com/p/CgNG43Usgdl/?igshid=YmMyMTA2M2Y=
وغادي تدار الانتخابات النصفية (Midterm Elections) فميريكان نهار 8 نونبر الجاي وغتكون فيها أيضا انتخابات محلية خاصة بكل منطقة بوحدها إلى جانب انتخابات الكونكَرس.
https://www.instagram.com/p/CgJ_zFmLcAE/?igshid=YmMyMTA2M2Y=