حكيم زياش فك مع وكيل أعمالو ومن دبا هو اللي غيتكلف بكلشي فالكاريير ديالو – بوسط

بشكل مفاجئ قرر اللعاب المغربي حكيم زياش يحبس الخدمة مع وكيل أعمالو مصطفى نخلي مول لاجونص "Nakhli Mondial".
هاد القرار علن عليه نجم فريق تشلسي الإنكَليزي فواحد البوسط نشرو فالكونط أوفيسيال ديالو ف"أنستكَرام".
وكتب زياش: "جات الوقت فاش خاصني نكونطرولي الكاريير بروفيسيونال ديالي لراسي. من دبا وجر أنا اللي غنبقى نحسم فكل المفاوضات والقرارات الخاصة بالمستقبل الكروي ديالي...".
https://www.instagram.com/p/Cfw3-4ps7mr/?igshid=YmMyMTA2M2Y=
وكلشي ولى كيسول أشنو وقع بالضبط وأشناهو السبب الحقيقي اللي خلى زياش يفك مع لاجونص ديال "Nakhli Mondial"، اللي دوز معاهم مدة طويلة وكانت سميتو مرتابطة بمولاها وكيل الأعمال المغربي/الهولندي "مصطفى نخلي"؟!
وفجهة أخرى كتروج هضرة بللي إدارة نادي أس ميلانو الطالياني مزال حاطة عينيها على حكيم زياش وكاين احتمال بأنه غيسيني معاهم فهاد الميركاتو الجاي.