"لوكاندا عمرو دياب".. المغني المصري لونصا سلسلة أوطيلات بين القاهرة ودبي – تدوينة وفيديو

فاجأ النجم المصري عمرو دياب المتابعين ديالو، بإعلان إطلاق سلسلة ديال لوطيلات بمستوى فاخر، كمشروع استثماري بعيد على الضومين ديال الغناء.
ونشر عمرو دياب فالكونط الرسمي ديالو فموقع "أنستكَرام" فيديو تسويقي لهاد البروجي الجديد، وبدل حتى لافوطو دالبروفيل ودار بلاصتها وحدة أخرى فيها إشهار على لوطيلات ديالو.
وجا فتعليق مكتوب مع الفيديو الترويجي: "للمرة اللولة غادي يلونصي عمرو دياب لوطيل ديالو المميز الجديد Locanda، بمستوى ديال اللوكس، ومن المفترض يتم إفتتاح الفندق ضمن مشاريع إعمار (شركة عقارية إماراتية)".
https://www.instagram.com/tv/Cd_QORnDE12/?igshid=YmMyMTA2M2Y=
ومن المنتظر باش يكون فريق "لوكاندا" واحد من ضمن سلسلة أوطيلات غادي يمتد بين مصر ودبي، مع العلامة التجارية الخاصة بالنجم المصري.