دار راسو مرا كبيرة فكرسي متحرك.. شخص هجم على طابلو الموناليزا وسط اللوڤر – فيديوهات

حاول واحد من زوار متحف اللوڤر فباريس باش يهرس الجاج اللي كيبروطيجي طابلو الموناليزا (الجوكندا) الأكثر شهرة فالعالم، قبل ما يرمي عليها كَاطو عامرة كريم.
وكالة "رويترز" قالت أن مول الفعلة كان راجل مديكَيزي فلباس وصفة ديال مرا شارفة نقز من على كرسي متحرك، كان داخل بيه للمتحف، باش يهاجم الجاج ديال الطابلو.
وهادا ماشي الهجوم اللول على طابلو الموناليزا، لأن تاريخها عامر بزاف بمحاولات التشويه، وفخمسينيات القرن الفايت هجم عليها شاب ورما عليها "لاسيد كبريتيك" وتأثرو الجناب ديالو فقط.
وفمرة أخرى كان شخص بوليفي زف عليه (الطابلو) بالحجر، وامرا رشاتها بصباغة حمرا مللي كان معروض فطوكيو عام 1974، وبلا ماننساو التوريست الروسي اللي خوا عليه كاس ديال أتاي فصيف 2009.
https://www.instagram.com/reel/CeLr0hTg85h/?igshid=YmMyMTA2M2Y=
أما أشهر اعتداء فتاريخ لوحة الموناليزا، فكان من طرف الإيطالي "Vincenzo Peruggia" اللي كان خدام فمتحف اللوڤر، وهذا شفرها كَاع ف1911 وخباها 3 أيام قبل ما يرجعها ويسلم راسو.