دارت خدمة نقية كتجمع ما بين الفخار والزربية بالبوشرويط.. لجنة "دريم ارتيست" عطات الحصانة لحنان

عطات لجنة تحكيم برنامج دريم آرتيست في البرايم الثالث البارح الاثنين، الحصانة للفنانة حنان بعدما دارت خدمة زوينة كتجمع ما بين الفخار والزربية ديال البورشويط، هادشي لي خلاها تمشي مباشرة للبرايم الثاني.
حنان هي فنانة مرئية من الدارالبيضاء، لكن أوصولها من بني ملال، تعلمات الرسم و تنسيق الألوان من صغرها، بفضل دعم الأم ديالها لي خدامة مصممة أزياء.
البرنامج كيسلط الضوء على الفنون المرئية بمختلف تصنيفاتها، ولي كتشمل الرسم، التصوير، ستريت آرت، ديجيتال آرت، النحت وحتى الالستراسيون، هاد الفنانين غادي يتنافسو مع بعضياتهم باش يديو الجائزة الكبرى لي وصلات ل35 مليون سنتيم، وهو المبلغ لي يقدر يفتح ليهم باب النجاح ويدير أول معرض فردي.
البرايم الثالث البارح كان مخصص للصناعة التقليدية المغربية بين الفخار والزربية، الفنانين ال10 لي كيتنافسو على الجائزة.
كل برايم لجنة التحكيم كتعطي للفنانين 10 سوايع باش يبينو حنة يديهم، والبقاء كيبقى لأحسن واحد قدم خدمة زوينة ونقية.
https://www.instagram.com/p/Cj1KfP8opuh/?igshid=YmMyMTA2M2Y=