"دريم آرتيست".. برنامج كيسلط الضو على الفنون التشكيلية المغربية الأصيلة وكيبين مواهب شبابنا – تصاور

اليوم الاثنين غادي تكون الحلقة الثالثة من برنامج "دريم ارتيست" على قناة دوزيم، لي كيبين مواهب الفنون التشكيلية، وهو برنامج ديال المسابقات لي فريد من نوعو، وكيدار لأول مرة في المغرب.
البرنامج كيسلط الضوء على الفنون المرئية بمختلف تصنيفاتها، ولي كتشمل الرسم، التصوير، ستريت آرت، ديجيتال آرت، النحت وحتى الالستراسيون، هاد الفنانين غادي يتنافسو مع بعضياتهم باش يديو الجائزة الكبرى لي هي 35.0000 درهم، وهو المبلغ لي يقدر يفتح ليهم باب النجاح ويدير أول معرض فردي.
البرايم الثالث لي غادي يكون اليوم مخصص للصناعة التقليدية المغربية بين الفخار والزربية، الفنانين ال10 لي كيتنافسو على الجائزة غادي يمشيو يزورو جمعية متخصصة في صناعة الزربية التقليدية ويتعرفو على المراحل لي كتدوز منها هاد النوع من الفن المغربي الأصيل، وغادي يكتاشفو حتى ورشات ديال صناعة الفخار من المرحلة الأولية حتال التزيين.
في كل برايم لجنة التحكيم كتعطي للفنانين 10 سوايع باش يبينو حنة يديهم، والبقاء كيبقى لأحسن واحد قدم خدمة زوينة ونقية.
وتجدر الإشارة أن البرنامج وقبل ما يوصل لمرحلة البرايمات، داز من 2 مراحل، الأولى استقبل فيها 300 فنان من مختلف أنحاء المغرب، تم اختيار 23 واحد، ودابة المنافسة قائمة بين 12 واحد، جوج منهم مشاور وفي كل برايم كيمشي فنان حتال يبقى الفائز النهائي.