انفراد. الدبوز باس كتف الملك ووجه هولاند وها اش كال ليه محمد السادس

الفنان الشهير جمال الدبوز عزيز عليه الملك محمد السادس بزاف واكثر من بزاف. فاي مناسبة كيشكرو وكيمدحو لدرجة انه فبرنامج على "فرانس 2″ كال عليه باللي بوحدو مسكين للي خدام باش يعصرن المغرب. البارح فمعهد العالم العربي بباريس بين هاد لمحبة. الدبوز اللي جا مع امو سلم على الرئيس الفرنسي فرانسوا هولاند من الوجه بحال شي صاحبو وباش لكتف ديال محمد السادس.
وفي علاقة بالموضوع قال شاهد عيان ل"كود" ان فؤاد عالي الهمة مستشار الملك اللي كيعرف حتى هو الدبوز قال له في معهد العالم العربي بباريس "واش شافك سيدنا" فرد عليه الدبوز مازال، واثناء السلام عليه قال الملك محمد السادس للدبوز "غادين نتشاوفو من بعد".
الدبوز ماشي غير عزيز عليه المغرب بالهدرة بل بالفعل. فمراكش داير ليلة للسخرية والضحك كتعطي صورة ايجابية على المغرب وكتقدم نجوم مغاربة وكيهلى بزاف فالطاقات من اصول مغاربية