مكافأة للعابا ديال الوداد حيث ما توقفوش على التداريب

من المنتظر يستافدو اللعابا ديال الوداد الرياضي من فترة راحة من بعد 2 سيمانات ديال التداريب ملي توقفت البطولة الإحترافية، حيث الفرقة استمرت فالبريبراسيون واخا الماتشات ماكانوش.
وغادي يمنح الطاقم التقني ديال الوداد الرياضي بقيادة المدرب الحسين عموتة عطلة فيها سيمانا باش يرتاحو مكافأة لهم على المجهود اللي دارو ملي بدا الموسم وعلى التداريب اللي دارو ملي توقفت البطولة.
العطلة عند اللعابا ديال الحمرا غادي تبدا من الأحد الجاي، وهاكذا غادي يرتاحو قبل ما يرجعو للتداريب السيمانا اللي من بعد الجايا، مع العلم أن الفرقة رتاحت غير يومين ملي توقفت البطولة.