الرجاء رجعو يترينيو من بعدما سالاو عطلتهم

غادي يرجع الرجاء الرياضي للتداريب من بعدما سالات العطلة اللي عطا مدرب الفريق منذر الكبير للعابا باش يرتاحو من لعيا ديال ليماتش اللي فاتو.
اللعابا ديال الرجاء غادي يديرو اليوم الثلاثاء، حصة تدريبية فتيران الوازيس فكازا، وغادي يبداو يستعدو إبتداء من اليوم لاستئناف البطولة الإحترافية لكرة القدم اللي توقفت حيث المنتخب الوطني المغربي مشارك فكأس العالم فقطر، مع العلم أن حتى لعاب من الخضرا ما متواجد مع ليكيب ناسيونال فالمونديال.
ومن المنتظر يلعب الرجاء الرياضي عدد من ليماتش اميكو والفرقة عندها عرض باش تمشي توجد بالامارات وتلعب بطولة ودية إعدادية تماك، مع العلم أن الفرقة محتاجة لانتدابات فالميركاتو اللي جاي ولكن القضية صعيبة ماليا حيث عندها بزاف النزاعات مع لعابا سابقين.