مكافأة للعابا ديال الوداد من بعدما ربحو وجدة

قرر الحسين عموتة مدرب الوداد الرياضي يكافئ اللعابا ديال الفرقة من بعدما ربحو مولودية وجدة البارح السبت فوجدة، ضمن الجولة 7 من البطولة الإحترافية لكرة القدم.
ومنح الحسين عموتة اللعابا ديال الوداد يوم راحة باش يدوزوه مع عائلاتهم ويسترجعو الأنفاس ديالهم قبل ما ما يرجعو لأجواء التداريب إستعدادا لماتش إتحاد التواركة الأحد الجاي فالبطولة، مع العلم أن الحمرا رجعت اليوم الأحد لكازا فطيارة جايا من مدينة وجدة وربحو مولودية وجدة.
وكان الوداد الرياضي فاز على مولودية وجدة بهدف واحد لصفر البارح السبت، الأمر اللي خلاه يرجع يتصدر البطولة الإحترافية برصيد 17 نقطة، وغادي يلعب الأحد الجاي ماتش ضد إتحاد التواركة ضمن الجولة 8.