الوداد رجع لعاب مهم فماتش وجدة

غادي يسترجع الوداد الرياضي خدمات اللعاب بديع أوك فالماتش الجاي ضد مولودية وجدة السبت المقبل فالجولة 7 من البطولة الإحترافية لكرة القدم، من بعدما غاب فالماتش الأخير ضد الرجاء الرياضي.
وكمل بديع أوك العقوبة التأديبية اللي كانت صدرات فحقو وحرمت الوداد من فالديربي من بعدما خذا البطاقة الحمراء فماتش إتحاد طنجة، ودابا غادي يدعم صفوف الحمرا ضد مولودية وجدة.
وكيتعتبر بديع أوك من العناصر المهمة فالوداد الرياضي من الموسم الماضي، بحث أن اللاعب صبح كيخدم بشكل كبير النهج التكتيكي ديال الفريق هجوميا ودفاعيا الأمر اللي ويخليه عنصر فعال فالواك وكيعطي الإضافة.
للإشارة فالوداد الرياضي غادي يدير آخر حصة تدريبية قبل ماتش اليوم الجمعة فتيران بنجلون، وبعدها غيخوذ الطيارة من كازا لوجدة، إستعدادا للماتش ديالو ضد المولودية الوجدية غدا السبت.