مكافأة للعابا ديال حسنية أكادير من بعدما شمتو المحمدية

منح البرازيلي ماركوس باكيتا مدرب حسنية أكادير مكافأة للعابة السوسيين من بعدما شمتو شباب المحمدية البارح الجمعة، وربحوهم فمنافسات الجولة 8 من البطولة الإحترافية لكرة القدم.
وقرر ماركوس باكيتا يعطي عطلة للعابا ديال حسنية أكادير لمدة 12 يوم، باش يرتاحو ويدوزو الوقت مع عائلاتهم وهاذشي من بعدما ضربو المحمدية البارح فماتش دارو به قطيعة مع النتائج السلبية اللي حصدت الفرقة مؤخرا.
وما غادي يدخلو اللعابا ديال حسنية أكادير من العطلة ديالهم حتى نهار 17 من هاذ نوفمبر، باش يبداو يبريباريو لاستئناف البطولة اللي غادي التوقف غدا بسبب مشاركة المنتخب الوطني المغربي فكأس العالم.
ونجح حسنية أكادير فالفوز على شباب المحمدية البارح فتيران أدرار فأكادير هدف قاتل فالدقيقة الأخيرة من الماتش وربحوهم بنتيجة 2 بيوت لواحد، من بعدما كان الماتش ما بين الفريقين غادي يسالي تعادل واحد لواحد.