حسنية أكادير شمتو المحمدية وربحوهم فأخر دقيقة

تمكن حسنية أكادير من تحقيق الرباح الضيف ديالو شباب المحمدية اليوم الجمعة فتيران أدارار بأكادير فالجولة 8 من البطولة الإحترافية لكرة القدم.
الحسنية والمحمدية كانوا غاديين يساليو تعادل لكن السوسيين غادي يشمتو ولاد فضالة فأخر لحظة وماركاو عليهم بيت الرباح.
وكانوا حسنية أكادير هما اللولين اللي ماركاو فالماتش بهدف سجلو يوسف مهدي من ضربة جزاء فالدقيقة 19، أمام شباب المحمدية جابو التعادل بواسطة أسامة لمليوي اللي سجل البيت فالدقيقة 27، وظلت النتيجة كيفما هي حتى الوقت بدل الضائع وهو يخر المهاجم عبد العزيز قيدي اللي دخلو المدرب باكيتا وهو يضربها على المحمدية راسو ماركا بيت الرباح لحسنية أكادير وسالا الماتش.
ورفعوا حسنية أكادير الرصيد ديالهم من بعد هذا الرباح إلى 11 نقطة وصلوا على شباب المحمدية اللي عندهم نفس الرصيد، وكيحتلو الفريقين دابا المركز السادس مؤقتا فانتظار نتائج الماتشات اللي مازال ما نلعبو.