كارثة رياضية. ماتو 14 ديال للعابا فكسيدة فكندا

علنات السلطات الكندية ، على أن 14 واحد ماتو لبارح بالليل فحادثة سير، بعدما إصطدمات حافلة، هازة فريق “هامبولت برونكوس”، لي هو فريق ديال هوكي الجليد للناشئين، مع مقطورة كانت كتجرها شاحنة ف”ساسكاتشوان” بمنطقة تيزدال .
وذكرات “نيويورك تايمز” ، أن الشرطة الكندية أكدات إصابة 14 واحد أخر ، ثلاثة منهم فحالة حرجة جدا .
وقالت أن 28 شخص الي كانو فالحافلة الي دارت الكسيدة، وهوما لعابة وطاقم تدريبي وطبي ديال فرقة الهوكي، كانو فطريقهم باش يلعبو ماتش، غير هو مزال محددوش هوياتهم كاملين.