مكافأة للعابا ديال الرجاء من بعد ما ربحو السوالم

قرر منذر الكبير مدرب الرجاء الرياضي يكافئ اللعابا ديال الفرقة من بعدما ربحو البارح السبت، الشباب الرياضي السالمي فالمحمدية، ضمن الجولة 8 من البطولة الاحترافية لكرة القدم.
وغادي يستافدو اللعابا ديال الرجاء الرياضي من سيمانا راحة غادي يدوزوها مع عائلاتهم، قبل ما يرجعو للتداريب باش يبريباريو مرة أخرى لاستئناف البطولة ومنافسات دوري أبطال إفريقيا.
وغادي يحاول منذر لكبير مدرب الرجاء الرياضي يخدم مع اللعابا ديال الخضرا، فالوقت اللي غادي تكون فيه منافسات البطولة متوقفة، باش يصلح داكشي اللي ناقص فالفرقة قبل ما يوصل الميركاتو اللي كيشوف فيه فرص لتدعيم صفوف النسور بعناصر جديدة فعدد من ليبوسط.
للإشارة فالرجاء الرياضي ربح شباب السوالم فالبطولة بنتيجة 4 لبيوتا لواحد، وهو الرباح اللي خلا الفرقة تقفز فالترتيب وتحتل المركز 4 برصيد 12، قبل توقف المنافسات.