منذر الكبير: وخا ربحنا السوالم ب 4 راه كاينين بزاف ديال الحوايج ناقصين فالرجاء

أكد منذر الكبير مدرب الرجاء الرياضي أن الرباح ديال الخضرا اليوم السبت فماتش البطولة ضد السوالم، مهم ولكن مازال الفرقة ناقصة فبزاف ديال الحاجات.
منذر الكبير فتصريح له من بعد الماتش، قال بلي الرباح فماتش السوالم مهم حيث غادي يخلي الرجاء تكون عندها سلسلة ديال الانتصارات، وأن الفضل فهاذ الفيكتوار كيرجع للعابا اللي كانت عندهم رغبة قوية باش يرجع فالمواجهة ويماركيو 4 البيوتا من بعدما كانوا خاسرين بواحد، وأيضا للجمهور اللي كيساند الفرقة من بداية الموسم كيفما كانوا النتائج.
منذر الكبير شدد على أن الرباح الثاني على التوالي للرجاء فالبطولة ماخاصوش يخبي بزاف من الحاجات اللي ناقصين فالفرقة واللي خاصهم يخدمو عليها باش مستوى الرجاء يتطور، والمهم هو نصلحو الأمور وحنا رابحين حسن ما نكونو خاسرين.