فاجعة كبيرة.. كار تقلب بين خريبكَة والفقيه بنصالح والحصيلة اللولة: 17 ماتو فالبلاصة و28 تجرحو

فاجعة كبيرة وقعات صباح اليوم الأربعاء فالطريق الوطنية رقم 11 اللي كاينة بين خريبكَة والفقيه بن صالح. هاد الفاجعة وقعات بعدما تقلب كار هاز بزاف ديال المسافرين.
وأكدت مصادر "كَود" أن الحادث تسبب في مصرع 17 شخص على الفور، وإصابة أزيد من 28 واحد بجروح خطيرة نقلوا على إثرها إلى المستشفى الإقليمي الحسن الثاني لتلقي العلاجات الضرورية.
وحصلت "كَود" قبل قليل على معطيات جديدة حول فاجعة انقلاب حافلة لنقل المسافرين، صباح اليوم الأربعاء، بالطريق الوطنية رقم 11 بين مدينتي خريبكَة والفقيه بن صالح.
وذكرت مصادر مطلعة، ل"كَود"، أن هاد الكار كان جاي من كازا فاتجاه الفقيه بن صالح، ويبدو أن الشيفور كان غادي بسرعة وهادشي يحتمل أنه كان سبب في انقلاب الكار فشي فيراج فالمنطقة.
وفي تفاصيل جديدة حصلات عليها "كَود" فقد تم العثور على ضحايا جدد تحت الحافلة، من بينهم طفل صغير، تم نقلهم على متن سيارات نقل الأموات. دبا السلطات المحلية وعناصر الدرك الملكي والبومبية مزال كيقلبو على ضحايا محتملين.