بايتاس: ها الاجراءات اللي خدينا لدعم القدرة الشرائية للمواطنين

الحكومة ما بقاتش كتفرج على ارتفاع اسعار المود الغذائية فالعالم. راه درنا اجراءات كثيرة باش ندعمو القدرة الشرائية للمغربي. هاد الشي باش رد مصطفى بايتاس عضو المكتب السياسي للاحرار الوزير الناطق الرسمي باسم الحكومة.
الرد كان اليوم السبت ببني ملال فالمؤتمر الجهوي لجهة بني ملال خنيفرة وهو رد على الانتقادات الموجهة لحكومة اخنوش.
من هاد الاجراءات للي دارت الحكومة كيف قال بايتاس كاين دعم مهنيي النقل فاثمنة المحروقات. هاد الشي وصل ل2.2 مليار.
وجبد كيفاش كيتحسب ثمن المحروقات وقال باللي المغرب كيستوردها من سوق دولية وكاينة مصاريف كتزاد بحال النقل والضريبة على القيمة المضافة
وجبد القيادي التجمعي على لاسامير وقال باللي هي جزء من الحل ماشي الحل حيث قادرة تخزن 800 مليون لتر ولكن ذكر باللي هي فنزاع قانوني ومعروضة على المحكمة وموضوع تحكيم دولي برا وباللي ديونها واصلة 45 مليار درهم.