يلاه عندو 5 أيام.. مرا باعت ولدها باش تدير عملية على نيفها!

باعت مرا روسية، وليدها اللي يلاه فعمرو 5 أيام، باش تقدر تدير عملية لنيفها.
البوليس فجمهورية داغستان، ذات الحكم الذاتي والتابعة لفدرالية روسيا، شدو المرا اللي فعمرها 33 عام، وحتى الكوبل اللي شراو البيبي، بتهمة الاتجار فالبشر.
هاد المرا، كانت قالت لجارتها بللي باغيا تبيع ولدها وعاوناتها باش لقات الناس اللي يشريوه، وخلصوها فالمرة اللولة 274 جنيه إسترليني.
الكوبل اللي ساهمو فهاد الجريمة وشراو الوليد، بغاو شهادة الإزدياد ديالو، لكن مللي طلبوها من مو الحقيقية بدات معاهم شونطاج جديد وطلبات 1370 جنيه أخرى، بمبرر أنها ماخدامش وماعندهاش الفلوس، لكن فاللخر اعتارفات أنها فقط باغيا دير عملية على نيفها حيت ماكتنفسش مزيان، على حساب ما نشر جورنال "ميرور" البريطاني.