أم شجاعة تعلقات فطوموبيلتها ووليداتها لداخل باش توقف شفارة هرفو عليها – فيديو

بين واحد الفيديو الكوراج ديال أم مريكانية، فولاية نيو مكسيكو الأميركية، كانت كتحاول تمنع شفار يشفر ليها طوموبيلتها لي كان فالداخل ديالها ولادها.
موقع "فوكس نيوز" قال بللي هاد الحادث وقع يوم 4 يوليوز فمدينة "هوبز"، التابعة لولاية نيو مكسيكو الأميركية.
وكتب الموقع بلي المرا وقفات طوموبيلتها قدام واحد المحل ومني كانت راجعا ليها، دفعتها واحد لمرا أخرى ودخلت لطموبلتها بالزربة ومشات بيها بسرعة كبيرة.
وكان داخل الطوموبيل بنت مولاتها، وعمرها 6 سنين وولدها اللي يلاه عندو 11 لشهر.
وكيبان ففيديو، اللي صوراتو كاميرا ديال السيرفيونس فالشارع، مولات الطوموبيل وهي كتحاول توقف المرا اللي سرقاتها، وبقات معلقة قدام طوموبيلتها باش تحبسها.
ولقاو البوليس من بعد الطوموبيل، وشدو حتى اللي شفراتها، اللي دبا كتواجه بزاف ديال التهم من بينها اختطاف طوموبيل وإخفاء الهوية وعدم المثول وسرقة محلات.