مباشرة بعدما اعتارفات بمغربية الصحرا.. المغرب قبل بترحيل الحراكَة اللي حاصلين فإسبانيا

قالت وسائل إعلام إسبانية، بللي السلطات ديالهم بدات اليوم كاترجع الحراكَة المغاربة لبلادهم، العملية اللي توقفات من شهر أبريل ديال العام الفايت فاش تسدات الحدود بين المغرب والصبليون، بسباب تفشي فيروس كورونا.
وحسب تقارير إعلام الصبليون، أكدو بللي وزارة الداخلية غادي ترحل تقريبا 80 حراكَ من إسبانيا للمغرب عن طريق رحلة جوية من جزيرة كناريا لمدينة العيون كبرى مدن الصحرا المغربية، بحيث كان تدار إتفاق قديم بين المغرب والصبليون، كيسمحلهم بترحيل 20 مهاجر مغربي فكل رحلة جوية.
المغرب هو البلد الوحيد اللي زير إسبانيا فهاد لجانب، بحيث ماكيسمحلهومش يرحلو شي حراكَ ماعندوش وثائق إثباث بللي مغربي.