رسميا. الخميس الجاي غتبدا الحركة ديال الناس فالحدود بين مليلية والناظور

أكد مصدر رسمي ل"كَود" بللي الحدود بين الناظور ومليلية المحتلة، غادي تفتح فوجه المواطنين نهار الخميس الجاي.
وحسب المصدر نفسو، فتح الحدود غادي يكون فالمرحلة اللولة خاص بالناس اللي عندهم الإقامة الصبليونية، أو فيزا "شينكَن" وكذا العمال النظاميين اللي كيخدمو فمليلية.
من بعد المرحلة اللولة، غادي يدار نظام وتدابير خاصة بالمواطنين المغاربة اللي ساكنين فعمالات الناظور، الدريوش والحسيمة، بحيث من المستحيل حسب المصدر نفسو، باش ترجع الحركة ديال التهريب المعيشي للمعابر الحدودية، وهادشي شددات عليه السلطات المغربية بشكل كبير.