سكان المنطقة فرحانين.. السلطات المغربية فالناظور والمسؤولين فمليلية بداو كيوجدو لفتح الحدود – فيديو

كتعيش معابر الحدودية بين الناظور ومليلية المحتلة، تحركات إيجابية، كتبين بللي العلاقات اللي تستأنفات بين المغرب و إسبانيا مؤخرا، بدات كتعطي نتائج زوينة.
صباح اليوم السبت، السلطات المغربية، بدات كتحيد الحجر والمتاريس اللي سبق دارتها باش تسد المعابر الحدودية، فحين وثقات عدسات مواطنين فالثغر المحتل عودة تحركات الأجهزة الأمنية الصبليونية لباب مليلية.
https://web.facebook.com/100056666903555/videos/430899598794164/
المواطنون فمليلية ماقاداهم فرحة من هاد التحركات وكلهم أمل فعودة الحياة كيف كانت قبل، يدخلو ويخرجو عند عائلاتهم ويقضيو أغراضهم فبلادهم بكل أريحية.
وحتى سكان الناظور وباقي المدن المدن المغربية اللي ولفو كيزورو المدينة المحتلة، مشتاقين تتحل البيبان ويعاودو يزورو مليلية، اللي معروفة بالمآثر التاريخية ولابلاج الرائعة ديالها.