ها اش گال حكيمي على كأس العرب

أشرف حكيمي لاعب باريس سان جيرمان عجبو بزاف التنظيم ديال كأس العرب اللي سالا السبت فقطر، وربح اللقب المنتخب الجزائري.
وأكد فتصريحات لقناة "بين سبور" أن قطر حققات نجاح كبير وبرهنات للعالم أنها قادرة تنظم كأس العالم العام الجاي.
وضاف حكيمي: "مسابقة كأس العرب مسابقة زوينة، أكدات فيها قطر انها جاهزة لتنظيم المونديال".
وزاد: "هاد النجاح سالا مع شكوك شي وحدين على قدرة قطر كبلاد عربي باش تدير مونديال ناجح. أنا فرحان بزاف حيت نهائيات كأس العالم غادي تدمون بهاد المستوى فبلاد عربي".
وللاشارة، المونديال 2022 غادي يدار في قطر ما بين 21 نونبر و18 دجنبر العام الجاي.