ماتش سپيسيال لحكيمي وراموس.. القرعة طيحات ريال مدريد مع باريس سان جيرمان فثمن نهاية التشامبيونز ليكَ

القرعة ديال ثمن النهاية من منافسات موسم 2021-2022 من بطولة دوري أبطال أوروبا دازت زوال اليوم الإثنين وجات فيها بعدد من المباريات الاستثنائية.
هاد القرعة دازت فمقر الإتحاد الأوروبي لكرة القدم في مدينة نيون السويسرية.
وجات أقوى مواجهة مرتقبة من بعد قرعة دور ثمن النهاية من دوري أبطال أوروبا، بين ريال مدريد الإسباني ضد باريس سان جيرمان الفرنسي اللي كيلعب الدولي المغربي أشرف حكيمي.
هاد الماتش كيتوقعوه جميع المتتبعين يكون شاعل وصعيب، زائد أنه سپيسيال بزاف لحكيمي وصاحبو سيرخيو راموس اللي غادين يلعبو ضد فريقهم السابق ريال مدريد.