كان كيتقرقب بنفس الفانيد اللي مات بيه مايكل جاكسون.. الوريث ديال "سامسونكَ" نزلو عليه بغرامة صحيحة

صدر الحكم البارح الثلاثاء على وريث شركة "سامسونكَ" الكورية الجنوبية، لي جاي-يونكَ (Lee Jae-yong)، بتغريمو 60 ألف دولار، بسباب استخدامو غير القانوني لعقار تسبب في مقتل "ملك البوب" الأمريكي، مايكل جاكسون.
وتم فرض الغرامة على "لي" حيت خدا بشكل غير قانوني فانيد "البروبوفول"، وهو نفس المهدئ اللي تسبب في موت الفنان العالمي مايكل جاكسون.
واعترف "لي جاي-يونكَ" أنه كلا الفانيد 41 مرة في الفترة من 2015 إلى 2020، لكن المحاميين ديالو قالو أنه كان كياخدو حيت كيعاني نفسيا.
و معروف أن وريث شركة "سامسونكَ" مزبلها شحال من مرة من قبل وفايت ليه تحكم بتهمة الرشوة و تم التحقيق معاه ف قضايا جنائية أخرى ديال فساد مالي.