بعدما شداتو الكاميرا بلا كمامة وتعدا على بوليسي.. بريطاني غادي يدوز شهرين ديال الحبس – فيديو

بريطاني غادي يدوز شهرين ديال الحبس في سنغافورة حيت مابغاش يلبس الكمامة، وكملها وجملها ضرب بوليسي من بعد.
‏
هاد الشخص، اللي سميتو بنجامين كَلين (Benjamin Glynn)، وعندو 39 عام، شداتو الكاميرا وسط تران مادايرش الكمامة وكيتسارا مع راسو بحالا ماكاين لا "كورونا" لا والو.
هادشي وقع ف شهر ماي الفايت ودبا نزلو عليه بهاد الحكم.
وفرضات سنغافورة عقوبات قاصحة بزاف على كل واحد مامحتارمش الاجراءات الوقائية من انتشار فيروس كورونا وحتى التوريست الأجانب مفروض عليهم نفس الشي.