بعد ترميمها وتحويلها لمتحف.. فيلا "هاريس" التاريخية غتحل ف16 مارس

الثلاثاء 16 مارس غاتحل فيلا "هاريس" التاريخية فطنجة، من بعد ما تسلى الترميم ديالها وولات متحف فيه أغلى 100 لوحة تشكيلية فالمغرب.
وحسب بلاغ للمؤسسة الوطنية للمتاحف، فهذ الفيلا هي مبنى تاريخي كان عبارة عن مسرح ضخم فالقرن الماضي، هذ الفيلا تبنات فالقرن 19 من طرف البريطاني والتر بيرتون هاريس، اللي كان صحافي ف"تايمز".
وكتطل الفيلا على البحر الابيض المتوسط، اللي تم تحويلها لمتحف، بعدما كانت مقر للاجتماعات الدولية.
وكتشمل الفيلا على لوحات دكبار الفنانين التشكيليين، بحال فرانك تابيرو وجاك ماجوريل وكلاوديو برافو، بالإضافة لفنانين تشكيليين مغاربة.