مغربي متشرد كان اختفى هادي مدة لقاوه متحلل فقادوس دالما فاسبانيا

بوليس الصبليون، لقاو ولبارح الاثنين، جثة مهاجر مغربي فقادوس دمياه السقي، وهي شبه متحللة، وذلك ضواحي بلدة مولينا دي سيغورا فمنطقة مورسيا الاسبانية.
وقالت مصادر اعلامية، ان المغربي لي فعمرو 45 عام، كان كيعيش كمتشرد فالمنطقة، وكان اختفى من الشهر اللي فات ومابقاش كيبان للناس دالبلدة.
وحسب المصادر نفسها، فالجثة لقاها مول الفيرما اللي فيها الساقية، ملي كان كينقيها، ليبلغ عناصر الشرطة التي حلت بعين المكان وأشرفت على استخراج الجثة ونقلها الى معهد الطب الشرعي قصد إخضاعها للتشريح الطبي لتحديد أسباب الوفاة.