كارثة.. فيضانات طنجة. حصيلة أولية: 6 وفيات بعدما غرقو ف وحدة صناعية خدامة خارج القانون

كارثة انسانية وفضيحة قانونية، ماتو 6 اشخاص هاد الصباح فطنجة، بسبب الفيضانات اللي غرقات المدينة.
https://fb.watch/3wSLWHOdvJ/
الفضيحة هي اننا ها الناس اللي ماتو، غرقو ف وحدة صناعية (معمل تحت ارضي) غير قانونية، خدامة في غياب شروط السلامة الصحية، مكاينش اللي يعتقهم.
هاد الوحدة الصناعية تحت ارضية، خدامة خارج القانون. فضيحة بكل المقاييس .
فرق الوقاية المدنية تدخلت لانقاذ ما يمكن انقاذه، ونقلات الجرحى والمصابين لأقرب مستشفى.
مصادر مطلعة قالت بلي 4 ساعات كافية لاغراق مدينة طنجة، من السادسة صباحا حتى ل 10 صباحا، وهادشي دليل كافي على فشل شركة امانديس، واللي كانت ديما محط شكاوى واحتجاجات ساكنة طنجة.
هاد المعمل كاين ف حي ديبان طريق الرباط.