الشتا اللي طاحت مازال كتتسبب فالخسائر المادية..سور طاح على طوموبيلات فحي اليوسفية فالرباط – تصاور

تداولو شباب على مواقع التواصل الاجتماعي صور لسور فحي اليوسفية، طاح على جوج طوموبيلات، كانو مسطاسيونيين تماك، وخلف خسائر مادية كبيرة.
وهذ السور طاح، لباح الاحد، بسباب الامطار اللي عرفاتها العاصمة هذ الايام، واللي عرفات غزارة كثر فمجموعة من الاحياء اللي جات حدا نهر بو رقراق.
والسلطات المحلية جات لعين المكان باش تعاين حجم الأضرار اللي تسبب فيها هذ السور، والتأكد من أنه ماكاين حتى خسائر فالارواح، مع تأمين حركة السير.