كانو كيلعبو كورة فعز أزمة كورونا.. جوج دراري غرقو فصهريج السواني فمكناس

غرقو جوج شبان، فالعشرينات من العمر، فصهريج السواني، صباح اليوم الخميس، بعدما كانو كيلعبو كورة مع شي جوج صحابهم خرين غير حداه، وطاحت ليهم وكانو كيحاولو يجبدوها.
واستغرقات السلطات أكثر من ساعة باش تجبد جثث الضحايا، اللي كيسكنو فحي الوحدة1، وتطلب الأمر الاستعانة بقارب مطاطي وأدوات الغطس.
المصالح الأمنية فتحات تحقيق فالموضوع، قبل ما تاخد أقوال الدراري اللي كانو مع الضحايا، وتفهم حيثيات الحادث، بالإضافة للدافع اللي خلاهم يخرجو يلعبو كورة فعز حالة الطوارئ الصحية.
وتم نقل جثتي الشابين لمستودع الأموات فسبيطار محمد الخامس، فانتظار اخضاعها للتشريح.