بسباب الأوموفوبيا.. مغربي تعرض لاعتداء فاسبانيا وجمعية "كيف كيف" هي لّي تدخلات باش تجيبلبه حقّو

قالت وكالة الانباء الاسبانية، ان شاب مغربي عندو 19 عام، تعرض لاعتداء بسباب الأوموفوبيا (رهاب المثلية الجنسية)، ملّي كان كَالس فحديقة عمومية.
وقالت الوكالة ان هاد الشاب لي جا هادي عامين لإسبانيا، وهو من طالبي اللجوء على أساس هويته الجنسية، كان فمنطقة باليكاس فمدريد، كَالس فحديقة كيتسنى موعد مع طبيب يوصل باش يدخل عندو، وداز من حداه شي واحد شاف فيه وقالو لنبرة تحقيرية "نتا ماشي مثلي جنسي"، هادشي لي خلا الشاب يدخل معاه فنقاش حاد، تطور لاعتداء من طرف الشخص الثاني لي جبد موس وضرب بيه الضحية ليدو وتسبب لو فعدة غرز.
هادشي وقع نهار 22 دجنبر، ولكن هاد الشاب الضحية خاف يتقدم بشكاية، باش ماينتاقمش منو الجاني او شي حد من طرفو، لكن جمعية "كيف كيف" اللي كتعتني بالمثليين المهاجرين، هي لي سانداتو ودعماتو باش يبلّغ بالمجرم نهار 28 دجنبر.