الكلاخ.. هجوم على سناء مرحاتي حيت غنات فحفلة مع ليهود

تلقات الفنانة سناء مرحاتي هجوم كبير من طرف المتخلفين لي ما كيآمنوش بالاختلاف وحرية الشخص، فقط حيت غنات في حفل فيه اليهود، واتهموها بالتواطئ، وشي تهم اخرى ماعندها لا ساس لا راس.
سناء مرحاتي لي كيقولو عليها انها عندها صوت مميز في الملحون، وكتشارك في أكبر المهرجانات والسهرات والحفلات في المغرب، عمرها مشات لإسرائيل، ولكن كانت كتحيي سهرات أكثر من مرة مع يهود مغاربة، خصوصا في مدينة فاس، لي كتحتضن مهرجان الموسيقى الروحية.
السؤال هنا هو واخا تمشي مرحاتي أو غيرها لإسرائيل، فين المشكل؟ و ها العلاقات رجعو بين بلادنا والدولة العبرية.. كل واحد حر يدير لي بغا، وهاد رباعة ديال المتخلفين لي هجمو على فنانة غير على هادشي، خاصهم يعرفو أنه اليهود هماجزء كبير من الهوية والثقافة المغربية، وعاشو مع خوتهم المسلمين جيران بيخير و على خير على مرور القرون.