المغرب حطم الروكور فالاصابات والموت بكورونا اليوم.. 47 ماتو و2929 تصابو و2133 تشافاو.. الطوطال: 142953 إصابة و2486 وفاة و120275 حالة شفاء.. و20192 كيتعالجو منهم 440 فالانعاش

اليوم المغرب حطم الرقم القياسي فاالاصابات والوفيات بكورونا، بحيث ماتو فهذ 24 ساعة الأخيرة 47 واحد، ووصل المجموع ل2486، بنسبة فتك ديال 1,74 فالمية.
وحسب نشرة كوفيد19 اليومية اللي علنات عليها وزارة الصحة، اليوم الخميس، تسجلات 2929 إصابة جديدة، وهكذا وصل الإجمالي ل142953، بمعدل إصابة ديال 393,7 لكل 100 ألف نسمة، و8,1 لكل 100 ألف نسمة فهذ 24 ساعة.
وبراو اليوم 2133 واحد، ووصل المجموع ل120275، بنسبة تعافي د84,1 فالمية.
وعدد الحالات النشيطة بلغ 20192، أي بمعدل 55,6 لكل 100 ألف نسمة.
وكاينة 440 حالة حرجة فالإنعاش، منها 37 تحت التنفس الاصطناعي الاختراقي.
واليوم تستبعدات 22197، ووصل مجموع الحالات السلبية 2660538.
وكتتوزع الإصابات والوفيات الجديدة على الجهات والأقاليم كما يلي:
وهذا المنحى الوبائي اليوم والأسبوعي ديال تطور الإصابات: