مواطنين جابو مفوض قضائي لجماعة فزاكَورة بسبب عدم تسجيلهم فاللوائح الانتخابية

تشكاو مجموعة من المواطنين، اللي ساكنين فدوار أمراد، جماعة آيت بوداود بإقليم زاكَورة، من عدم تسجيلهم فاللوائح الانتخابية من طرف الجماعة.
المواطنين كلفو مفوض قضائي باش يعاين السبب عن قرب، ومشا معاهم حتى لمقر الجماعة الترابية باش يعرف علاش ما تمش تسجيلهم فاللوائح الانتخابية، واخا الانتخابات على الأبواب.
وحسب محضر المعاينة المجردة ديال المفوض، كتتوفر "كود" على نسخة منو، فموظف مسؤول فمكتب التصحيحات سميتو (م.ب) مابغاش يسجلهم، بدعوى أن الموظف المكلف بالتسجيل خارج كونجي.
وحسب نفس المحضر، فشي واحد كان فالجماعة أكد بللي هذ السيد أصلا هو نفسو اللي مكلف بتسجيل الناس فاللوائح الانتخابية.