فزمن كورونا.. المديرية العامة للأمن الوطني غدير عملية استثنائية باش تخرج ليكارط ناسيونل لصحاب الباك

غتدير المديرية العامة للأمن الوطني، ابتداء من 18 ماي، عملية استثنائية لإصدار بطاقة التعريف لصحاب الباك دهذ العام اللي مازال ماكيتوفرو عليها بحكم لاج ديالهم.
وحسب بلاغ للمديرية، كتتوفر "كود" عليه، تدارو مراكز لتسجيل المعطيات التعريفية ديال التلاميذ، وتم توفير الموارد البشرية والوسائل اللوجيستيكية لإنجاح هذ العملية، وتم توجيه دوائر الشرطة باش يسهلو إجراءات تحصيل شواهد السكنى اللي كتدخل ضمن الوثائق الضرورية باش تدار لاكارط، ويدوز كلشي فأحسن الظروف.
ومن جهة أخرى، المديرية كتأكد حرصها فهذ الظرفية ديال حالة الطوارئ الصحية على "توفير واحترام كافة الشروط الصحية وقواعد التباعد الاجتماعي الكفيلة بضمان الأمن الصحي للمرتفقين وموظفي الشرطة".