فرقات الكمامات على العائلات اللي مافحالهمش.. السلطات المحلية فبني ملال كتدير حملة باش توعي الناس بمخاطر كورونا

السلطات المحلية مازال كتدير الحملة التحسيسية ديالها فمدينة بني ملال للوقاية من انتشار فيروس كورونا المستجد.
واليوم السلطات وزعات مجموعة من الكمامات على الأسر المعوزة، وحسساتهم بخطورة هذ الوباء، خصوصا بعدما ارتفع عدد الإصابات بوثيرة ملحوظة فهذ المدينة.
وسبق لوالي الجهة دار قرار بإغلاق الأسواق الشعبية ابتداء من 2 دالعشية، والقهاوي والريسطورات والمحلات التجارية ابتداء من 6، بينما الاسواق الكبرى غيخصها تسد مع 8 دالليل.
ولبارح الاثنين، جهة بني ملال خنيفرة سجلات 190 إصابة بكورونا، 148 منهم تصابو فإقليم بني ملال بوحدو.