واش الأولى ما بقاش عندها الباب.. بلوكَوز مشاركة فكَاع البرامج بقا ليها غير الأخبار

ما عرفناش هاد السياسة لي غاديين بيها المنتجين اشنو هي وعلى أي أساس كيختارو الوجوه ديال الناس لي كدوز في التلفزة، واش داكشي عندو علاقة بالمؤهلات ولا غير العلاقات.
ولأنه التلفزة ولات باب بلا بواب لي جا كيدخل ليها، واحد البلوكَوز سميتها ندى بنيشو فينما درنا كنلقاوها، شي نهار تبان لينا كتقدم الأخبار وما خاصناش نتصدمو.
هاد البلوكَوز راس مالها كونط في انستكَرام نهار يمشي ليها ما تبقى عندها حتى حاجة، هاهي في برنامج "أسرتي" لي بدا العرض ديالو على القناة الأولى، وعندها دور في مسلسل كيدوز حتى هو في نفس القناة.
الناس ديال الأولى خاصهم يحطو معايير جديدة لقنوات الانتاج لاختيار الوجوه لي ممكن تبان في التلفزة ماشي وحدة كتعرف دير غير الستوريات أشنو غادي تزيد لينا حنا كمشاهدين.