شكون يمنع هاد الطفيليات من الانتشار.. اليوتوبوز ندى أوبنيشو غادي تقدم برنامج في Snrt وتدوي كمتخصصة فلاموض

واش مازال هاد المؤثرات ما غادي يتقاداو في الوقت لي كنطلبو فيه غير بيقاو حابيسين في انستكَرام ويوتوب، اليوم هاهوما غادي يطلعو لينا في التلفازة ويدخلو بيوتنا من حيث لا نحتسب.
ندى اوبنيشو “المؤثرة” عبر حسابها في انستكَرام، لي كتفهم في كلشي، غادي تبان حتى في التلفزة في برنامج جديد غادي تقدمو زينب صابر على القناة الأولى.
والسؤال هو ما عرفناش اشنو الإضافة لي غادي تقدمها للجمهور سيدة نهار ومطال وهي كتقول “هيلو بايبيز”، مكتفهم لا فمواضيع علمية، لا قاربة لاموض، لا عندها شي اختصاص كنعرفوه.
هاد ندى اوبنيشو راها غادي تبدا تخلص من المال العام، يعني انا ونت والضرائب ديالنا لي غادي يكونو الصالير ديالها، وهادشي ماشي معقول، وماعندو حتى معنى.
من الأحسن هاد المؤثرين والمؤثرات يبقاو في مواقع التواصل الاجتماعي ويستحمرو صحاب الماركات والشركات عوض يجيو يضحكو على الجمهور لي كيخلص حقو في التلفازة المغربية من المال العمومي.